|
Sheekh Fu’aad Max’ed Khalaf iyo Ciidamo badan oo uu hogaaminayo ayaa galay
deegaan Buuralayda Gal-gala, iyadoo Maamulka Puntland ay sheegeen inay ka
hortagayaan Kooxda Al Shabaab.
Sida ay Idaacadda Shabelle u sheegeen ilo lagu kalsoon yahay Sheekh Fu’aad
Max’ed Khalaf (Shongole) oo ka tirsan Saraakiisha Kooxda Al Shabaab iyo Ciidamo
uu hogaaminayo ayaa gaaray deegaan Buuralayda Gal-gala ee gobolka Bari halkaasi
oo la sheegay in fariisimo ay ku leeyihiin Ciidamo ka tirsan Al Shabaab.
Wararka ayaa waxaa ay sheegayaan in Shongole iyo ciidamada uu wato ay gaareen
deegaannadaasi saacadihii lasoo dhaafay kaddib markii sida la sheegay ay ka
baxeen deegaanno ka mid ah Koofurta Soomaaliya oo ay gacanta ku hayaan Xarakada
Al Shabaab.
Lama shaacin waddooyinka ay mareen Ciidamada Al Shabaab ee gaaray deegaan
Buuralayda Gal-gala, hase ahaatee hadal heynta ugu badan maalmihii u dambeeyay
Puntland waxa ay aheyd in qul qulka dagaalyahanno ka mid ah Shabaab ay gaareen
deegaannada Maamulka Puntland.
Madaxweynaha Puntland C/raxmaan Sheekh Max’ed Faroole oo maalmo ka hor ka hadlay
Munaasabad ka dhacday Magaalada Garoowe ee Xarunta gobolka Nugaal ayaa waxa uu
sheegay in dagaalyahanno ka tirsan Kooxda Al Shabaab ay kusoo duuleen
deegaannada Maamulkaasi islamarkaana ay ka hortagayaan sida uu hadlka u dhigay.
.
HOME
|
