|
General C/llaahi Gaafoow Maxamuud Taliyaha Hoggaanka Socdaalka iyo Jinsiyadaha
ee dowladda Soomaaliya ayaa sheegay in ay isa soo taryaan dadka Soomaaliyeed ee
dib laagu soo celinayo dalka kaddib markii ay dowladdaha reer galbeedka ah shaki
weyn ka qaadeen dadka Soomaalida ah.
Taliyaha oo la hadlay warbaahinta qaranka ayaa sheegay in dadka Soomaaliyeed ee
u anbabaxa dalalka Yurub iyo America dib loogu soo celiyo dalka, taasi oo uu
sheegay in ay dhibaato ku tahay shacabka.
Sidoo kale waxa uu tilmaamay in dalalka reer galbeedka ay shaki weyn oo lala
xiriirnayo argagixiso ay ka qabaan dadka Soomaalida ah, taasi oo uu xusay in ay
sii dheertahay Soomaalida oo iyana si sharci darro ah u galla dalalka laga soo
musaafuriyo.
General Goofoow ayaa hoosta ka xariiqay in Waaxda hoggaanka, Socdaalka iyo
Jinsiyadaha aysan aqoon sabab ay muwaadiniintaasi Soomaaliyeed ee dalkooda lagu
celiyay dib ugu sii celiyaan, balse baaritaanno ay marsiyeen dhammaan dadkii soo
gaaray gudaha garoonka Aadan Cadde International Airport.
Shalay ayaa garoonka diyaaradaha Muqdisho ay ka soo dageen Sagaal muwaadin oo
laga soo musaafurriyay dalka Mareykanka oo ay markii horrey ku galleen si sharci
darro ah, waxaana arrintasi ay dhibaato xooggan ku tahay Soomaalida ku sii qul
qulleysa dalalka Yurub iyo America, maadaama hadda Soomaalida dib loogu soo
celinayo dalkooda.
HOME
|
