|
Guddoomiyaha gobolka Banaadir ayaa ugu baaqay shacabka magaalada Muqdisho in
hay’adaha amniga iyo maamulka Gobolka ay ku soo wargeliyeen cidii la shaqeyneysa
maleeshiyada Al-shabaab iyo kuwa xiriirka la leh intaba.
Guddoomiyaha gobolka Banaadir ahna Duqa magaalada Muqdisho Mudane Maxamuud Axmed
Nuur “Tarsan” oo shacabka Muqdisho la hadlay ayaa sheegay in shacabka looga
baahan ka qeyb qaadashada sugidda ammaanka caasimadda, isagoo xusay in aan lagu
niyad jabin ficilada guracan ee ay maleegayaan Al-shabaab (Al-qaacidda) ee ku
saleysan fuleynimada.
“Cidii soo sheegta meel ay Shabaab ku jiraan waxaa la siinayaa abaalmarin
lacageed, waxaana markale idinka codsanayaa in aad hay’adaha ammaanka ku soo
wargelisaan cidkasta oo isku dayaysa in ay carqaladeyso amniga Gobolka” ayuu
Tarsan hadalkiisa raaciyay.
Ugu dambeyntii guddoomiye Tarsan ayaa soo haddal qaaday arrimaha nadaafadda,
maadama la galay xilli roobaadka Gu’ga, lagama maarmaanna ay tahay in la xoojiyo
nadaafadda, isagoo shacabta Muqdisho ku boggaadiyay soo celinta bilicdii
caasimaddu lahaayn jirtay, qofkastana uu ka shaqeeyo bilic soo celinta magaalada.
HOME
|
