|
Guddoomiyaha guddiga fulinta ee Ahlu Sunnada gobollada dhexe, Sheekh Maxamed
Yuusuf Xeefoow ayaa sheegay inay suuragal tahay in maamul goboleed ay ka dhisaan
gobollada ay ka taliyaan.
Xeefoow oo ka qeybgalay kulan saddex geesood ah oo ay Addis Ababa ku yeesheen
Ahlu Sunna, dowladda KMG ah iyo Ethiopia, ayaa sheegay in shacabka ku dhaqan
deegaannada ay joogaan ay kala tashanayaan haddii isbedello ay ku sameynayaan
habka ay u shaqeynayaan.
Guddoomiyaha waxaa kaloo uu sheegay in dowladaha Soomaaliya iyo Ethiopia ay ka
wada-hadleen sidii loogu shaqeyn lahaa rabitaanka dadweynaha.
Dhinaca kale, waxa uu Xeefoow sheegay in ciidamada Ethiopia ay ku nagaanayaan
gobollada dhexe tan iyo inta maleeshiyada al-Shabaab laga nadiifinayo gobolka,
isagoo intaasi sii raaciyay in ay ka wada-hadleen in la diyaariyo ciidamo badala
kuwa Ethiopia marka ay dalka ka baxaan.
Nidaamka federalka ah ee Soomaaliya ayaa laga yabaa in Ahlu Sunna uu ku riixayo
inay maamul goboleed sameysato si ay uga mid noqoto maamullada kale ee dowladda
ay aqoonsan tahay.
HOME
|
