|
Burcad badeedda Soomaalida ayaa sii daysay markab Talyaaniga laga leeyahay oo la
yiraahdo Enrico Levoli oo ay saarnaayeen shaqaale 18 ah, kaas oo la afduubtay
bishii December ee sanadkii hore.
Wasiirka arrimaha dibadda Talyaaniga, Giulio Terzi oo hadda booqanaya dalka
Indonesia ayaa sheegay in shaqaalihii la socday markaba oo ay xaaladdooda si
hoose ula socdeen ay badqabaan, isagoo tilmaamay in ciidamo Talyaani ay la
wareegeen ammaanooda, isla markaana ay soo galbinayaan.
Wasiirku ma aanu ka hadlin haddii la bixiyay lacago madax furasho ah iyo in
kale.
Shaqaalaha markabkan, ayaa kala ahaa lix Talyaani ah, toddobo dalka India u
dhalatay iyo shan waddanka Ukraine ka soo jeedda.
Markabka ayaa markii la afduubanayay waxa uu maraayay badda Mediterranean-ka
xilli uu ka yimid dalka Isu-tagga Imaaraadka Carabta.
HOME
|
