|
Wasaaradda Gaashaandhigga Xukuumadda Soomaaliya ayaa sheegtay in ay socdaan
dadaallo ku aadan sidii ciidamada Xoogga dalka Soomaaliyeed loo gaarsiin lahaa
heer isku filnaansho ah oo ay dalka dhan ku difaaci karaan.
Ra’iisul wasaare ku xiggeen ahna wasiirka gaashaandhigga Xukuumadda Soomaaliya
Mudane Xuseen Carrab Ciise oo u waramay Warbaahinta Qaranka ayaa ka hadlay halka
ay marayaan dadaallada ku aadan tayenta iyo dhismaha ciidamada Xoogga dalka
Soomaaliyeed, waxa uuna sheegay in qorshaha la xiriira dhismaha ciidamada Xoogga
uu marayo meel gabo gebo ah.
“Waxaan wadnaa qorshe ah in ciidamadaeenu ay la wareegeen amniga guud ahaan
dalka, kahor inta aysan ciidamada AMISOM dalka ka bixin, waxaana diyaarinay 45
ka mid ah xerooyinka ciidamada xoogga si halkaasi loogu qalabeeyo” ayuu
hadalkiisa ku daray Wasiirka Gaashaandhigga.
Mudane Xuseen Carrab Ciise ayaa hoosta ka xariiqay in guud ahaan ciidamada
Xoogga ee ku sugan gobollada dalka oo dhan la siin doono tababar ku filan, si ay
u hantaan difaaca dalka, isagoo tilmaamay ciidamada Xoogga ay waqti dhow ku soo
laaban doonaan halkii ay jooggeen ka hor bur burkii dowladdii dhexe ee dalka.
HOME
|
