Soomaaliya oo ku Biireetey Ururka Beesha Beriga Afrika

Shabelle

December 1, 2012 Markacadeey

Ka dib shir ka dhacay dalka Kenya oo ay isku imaadeyn madaxda Wadamada ku bahoobey Beesha Beriga Afrika ayaa waxaa lagu sheegey in Soomaaliya ay si rasmi ah uga mid noqotey ururka Beesha Beriga Afrika .

Kulanka ay qudbabdo kala duwan ka jeediyeen madaxdii afrika ee ka qeyb gashey ayaa waxaa ay si weyn ugu amaaneyn Soomaaliya ka gudbidii marxaladii KMG aheyd isla markaana ay yeelato Dowladda Rasmi ah.

Madaxweynaha dalka Kenya Kibake oo kulankaasi ka Hadley ayaa ugu baaqey madaxda ururka Beesha Beriga Afrika in ay taageeraan Dowladda Soomaaliya si ay awood ugu yeelato hanashada Soomaaliya iyo Xiriirka Caalamka.

Safiirka Soomaaliya u fadhiya dalka Kenya Ambasador Maxamed Cali Ameriko oo ka Hadley kulakaasi ayaa sheegey in micno weyn ku fadhiso ayna tahay talaabo horey ay u qaadey Soomaaliya .

Ku biiritaanka Soomaaliya Ururka Beesha Beriga Afrika ayaa imaaneysa Xili Dowladda Soomaaliya ay ka baxdey KMG ayna u gudubtey Federaal.

HOME