Isbaarooyinka oo Dharkeynley ku soo noqdey

December 2, 2012 Markacadeey

Isbaarooyinkii dhowaan laga qaadey meelo ka mid ah magaalada Muqdisho, kadib markii madaxweynaha dowlada federaalka uu hadal ka soo saarey ayaa qaar ka mid ah ay dib u soo laabteen.

Degmada Dharkeynley oo ka mid ah degmooyinka isbaarooyinka laga qaadey, markii horena ay yaaleen isbaarooyinka ugu badan ayaa lagu soo waramayaa in isbaarooyinka ay dib ugu soo laabteen.

Gudoomiyaha degmadaasi oo Hadley ayaa sheegay in maleeshiyaaadkii laga raacdeeyay isbaarooyinka ay bilaabeen in ay dib u dhigtaan, ayagoo dhinaca kalena dhac geysanaya.

Sidoo kale, Degmada Kaaraan ayaa lagu arkayaa maleeshiyaad kooban oo gudaha suuqa Kaaraan gaadiidka BL-ka ah kaga qaadaya lacago ka badan kuwii horey looga qaadi jiray.

Ma jirto wax ciidamo ah oo ka tirsan dowlada federaalka oo kormeer ku sameynaya.

HOME