Ammaanka gobolka Shabeelaha Hoose oo looga shiray Marka

Bar-Kulan

December 3, 2012 Markacadeey

Mas’uuliyiinta wasaaradda difaaca ee Soomaaliya, maamullada gobolka Shabeelaha Hoose iyo degmada Marka ayaa yeeshay kula looga arrinsanayay ammaanka gobolka.

Guddoomiye ku-xigeenka degmada Marka ee dhinaca ammaanka Axmed Cumar Mudane ayaa sheegay in kulanka ay uga arrinsadeen amniga, isla markaana la isla soo qaaday sidii ciidamada booliska iyo kuwa nabad-sugidda ay uga howlgali lahaayeen degmooyinka gobolka bee laga saaro al-Shabaab.

Sidoo kale waxa uu xusay in laga wada hadlay sidii adeegga maxkamadaha loogu baahin lahaa goobahaas.

Wafdi wasiirro iyo saraakiil ciidan ah oo ka socda dowladda Soomaaliya oo ay ku jiraan wasiirka arrimaha gudaha Soomaaliya Cabdikariin Xuseen Guuleed, wasiirka gaashaandhigga Cabdixakiim Xaaji Maxamuud Fiqi iyo taliyeyaasha ciidamada ayaa shalay gaaray Marka, waxaana sida la sheegay safarkooda uu salka ku hayaa xoojinta ammaanka gobolka iyo dagaalka ka dhanka ah al-Shabaab.

HOME