Booliska Gobolka Banaadir Oo Sheegey iney ka go’antahay Fulinta Amarka Madaxweynaha

Shabelle

December 3, 2012 Markacadeey

Taliye ku xigeynka ciidanka Booliska Gobolka Banaadir Cali Maxamed cilmi Oo la Hadley idaacada Shabelle ayaa waxa uu ka Hadley qaadista isbaarooyinka yaalay Magaalada Muqdisho , waxaana uu sheegey in ciidanka booliska uu fuliyey Go’aankii Madaxweynaha Soomaaliya ee ahaa in la qaado isbaaooyinka yaala Degmooyinka Gobolka Banaadir.

Taliye ku xigeynka ciidamada Booliska Gobolka Banaadir ayaa waxa uu tilmaamey in ay ka go’antahay in ay la dagaalamaan cid kasta oo qalqal galineysa amaanka Gobolka Banaadir isagoona intaasi raaciyey in haatan ay ku guuleesteyn in ay qaadaan jidgooyooyinka yiiley degmooyinka Gobolka Banaadir isagoona digniin u jeediyey maleeshiyaadkii isbaarooyinka ay u yaaleen Magaalada Muqdisho.

Inkastoo oo lagu guuleestey in la qaado isbaarooyinkii yaaley Gobolka Banaadir oo gaadiidka looga qaadi jirey lacago fara badan oo sharci daro ah ayaa hadana waxaa go’aanka madaxweynaha gudoomiyaha Gobolka Banaadir Maxamuud Axmed Nuur Tarsan kaais oo sheegey in isbaarooyinka ay qeyb ka yihiin sugida amaanka Gobolka Banaadir Xili Go’aanka Tarsan ee ah in canshuurta laga qaado gaadiidka ay khilaafeyso Go’aanka Madaxweyne Xasan Sheekh Maxamuud uu ku mamnuucey Qaadista lacagaha Sharci Darada ah in aan la qaadi karin.

Shalay ayey aheyd markii ciidamada Qaranka ay qaadeyn isbaarda ugu weyneyd Gobolka Banaadir ee Ex-Kontorool Afgooye oo gaadiidka looga qaadi jirey lacago Fara badan waxaana qaadista isbaarooyinka soo Dhaweeyey dhamaan gaadiidleyda iyo shacabka danta yare e isticmaala gaadiidka Dadweynaha ee loo yaqaano BL-ka.

HOME