Kooxo ku labisan dareeska ciidamada oo xalay dilay Haweeney

December 6, 2012 Markacadeey

Haweeney ka mid ahayd dadka ku dhaqan deegaanka Kaxda ayaa xalay ay dileen kooxo ku labisan dareeka ciidamada, iyadoo dadka deegaankana ay bilaabeen walaac arrintaasi la xiriira.

Wararka ayaa sheegaya in kooxahan oo dhac iyo baarasho ku sameynayay dadka ay ku yimideen haweeyneydan oo ka soo baxday dukaan ay ka soo adeegatay, kadibna ay isku dayeen in ay baartaan, ayna afka labadiisa yeertay, taasi oo keentay in ay rasaas ku aamusiyaan.

Dadka ku dhaqan deegaanka Kaxda ee Magaalada Muqdisho ayaa qeylo dhaan waxa ay ka muujiyeen rag ku labisan direeska ciidanka Dowlada soomaaliya oo xalay halkaasi dil iyo dhac ugu geestey dadku ku sugan Deegaankaasi.

Qaar ka mid ah wax garadka ku dhaqan deegaankaasi oo la Hadley warbaahinta ayaa sheegey in ragaan ku labisan direeska ciidanka Dowladda ay dhac ka geysteen dukaamo ku yaalo halkaasi iyagoona qaatey dhamaan hantidii halkaasi taaley.

HOME