Baydhabo: Sarkaal u shaqeynayay Qaramada Midoobey oo xalay gurigiisa laga baxay

December 6, 2012 Markacadeey

Magaalada Baydhabo, xarunta gobolka Baay waxaa gurigiisa laga baxay sarkaal ka shaqeynayay hay’ada Qaramada Midoobey, sida ay sheegayaan wararka halkaasi laga helayo.

Wararka ayaa sheegaya in kooxo hubeysan ay gurigiisa kala baxeen Idiris Cabdi DHaqtar oo ah mas'uul ka tirsan Qaramada Midoobey,islamarkaana maalmihii ugu danbeeyay howlo shaqo u joogey Magaalada baydhabo oo ay maamusho Dowlada Soomaaliya.

Waxaa adag in si dhab ah loo ogaado halka lala aadey mas'uulkan xaley kooxo hubeysan ay kala baxeen guriiga oo kuyaala Magaalada baydhabo,waxaana saaka lasoo sheegayaa in ciidamada Dowlada Soomaaliya ay wadaan baaris ku aadan halka lala aadey Idiris Cabdi.

Maamulka Gobalka Bay iyo kan degmada Baydhabo ayaa ilaa iyo hada aaney jirin wax war ah oo ay kasoo saareen afduubka loo geystay Sargaalka ka tirsanaa mid ka mid ah hay'adaha Qaramada Midoobey ee ka howlgala magaalada Baydhabo ee gobalka Bay,iyadoona aan la ogeyn waxaa kasoo bixi kara baaritaanada ay wadaan ciidamada Dowlada.

HOME