Danjire Ameeriko oo ka digey Saameyn ay qaraxtyadu ku yeeshaan Soomalida ku nool Islii

Radio Muqdisho

December 8, 2012 Markacadeey

Safaaradda Soomaaliya ee dalka Kenya ayaa ka digtay saameyn ay nolosha iyo ganacsiga dadka Soomaaliyeed ee dalkaasi ku nool ku yeeshaan qaraxyada muddooyinka dambe ku soo badanaya deegaannada ay Soomaalidu ku badantahay ee Dalka Kenya.

Danjiraha Soomaaliya ee Dalka Kenya Mudane Maxamed Cali Nuur Ameeriko oo xalay Wareysi siiyey Radio Muqdisho ayaa tilmaamay in Safaaraddu ay dowladda Kenya ku adkeysay sidii loo badbaadin lahaa hantida iyo nolosha dadka Soomaaliyeed balse falalka qaraxyada ah ee dhacaya ay yihiin kuwo aanan habooneyn.

Mudane Maxamed Cali Nuur Ameerico Danjiraha Soomaaliya ee dalkaasi ayaa wax laga xumaado ku tilmaamay falalka qaraxyada ah ee ku soo noqnoqanaya xaafadda Islii ee Soomaalidu degto, isagoo tilmaamay in arrintaasi ay saameyn ku yeelandoonto nolosha Soomaalida deggan Islii iyo ganacsigoodaba wuxuuna intaa ku daray Safaaraddu ay ku dadaali doonto badbaadinta nafta iyo sumacadda muwaadiniinta Soomalaiyeed iyo hantidoodaba.

Qaraxii ugu dambeeyay ee xalay ka dhacay xaafada Islii salaaddii cishaha kadib ayaa waxaa ku dhaawacmen dad Soomaali ah oo uu ka mid ahaa Xildhibaanka laga soo doorto xaafada Kamamuja kadib markii Bum gacmeed lagu tuuray Masjidka Al-Hidaaya ee xaafada Islii.

HOME