|
Al-Shabaab oo ka baxday degmada Cadale
Bar-kulan
December 11, 2012 Markacadeey
|
Wararka ka imaanaya degmada Cadale ee gobolka Shabeellaha Dhexe ayaa sheegaya
inay maleeshiyada al-Shabaab shalay galinkii dambe isaga baxday magaaladaasi
kaddib markii culeys uu ka yimid ciidanka xoogga dalka Soomaaliya oo kaashanaya
kuwa AMISOM.
Goob-joogayaal ayaa Bar-kulan u sheegay inay arkeen maleeshiyo ka tirsan al-Shabaab
oo wadata gaadiid dagaal kana baxaysa degmada Cadale.
Goob-joogayaasha waxay intaas ku dareen inay maran yihiin dhammaan xarumihii al-Shabaab
ee magaalada, sida xarunta maamulka degmada, saldhigga booliska iyo xarumo kale.
Ciidanka dowladda iyo kuwa AMISOM ayaa horey ugala wareegay kooxda al-Shabaab
gacan ku haynta degmooyinka Jowhar, Mahaddaay iyo Balcad ee gobolka Shabeellaha
Dhexe.
HOME
|
|
|
|
