Kenya oo heegan gelisay ciidamadeeda

SONNA

December 13, 2012 Markacadeey

Dowlada Kenya ayaa sheegtay in ay heegan sare gelisay ciidamadeeda, iyadoo ka digtay weeraro argagixiso oo Al-qaacida ka fuliso wadankaasi, inta lagu gudajiro dabaaldega Sanadka cusub.

Dowladda Kenya ayaa tilmaantay in hey’adaheeda sirdoonku ay heleen xog ku saabsan in maleeshiyaadka Shabaab ee la midoobay Al-qaacida ay doonayaan in ay weeraro argagixiso ka fuliyaan Kenya inta lagu gudajiro dagaaldegyada sanadka cusub.

Hey’adaha amaanka ee Kenya ayaa xaqiijiyay in kooxaha argagixisada ay qorsheynayaan weeraro argagixiso oo lagu soo beego munaasabadaha loogu dabaaldegayo sanadka cusub ee ka dhicidoona gudaha dalka Kenya, waxeyna hey’adaha amaanka Kenya ay sheegeen in ay ka digtoonaandoonaan kana hortagi doonaan weerarada ay qorsheynayaan argagixisada.

Sidoo kale guddoomiyaha degmada Gaarisa ee gobolka Waqooyi bari ee dalka Kenya Maxamed Macalin ayaa sheegay in ciidamadu ay qabteen Toban qofood oo doonayay in weeraro argagixiso ay ka fuliyaan magaalada Gaarisa, kuwaas oo watay walxaha qarxa doonayayna in ay weeraro ka geystaan magaalada Gaariisa inti ay socotay munaasabadii xuska maalinta madaxbanaanida dalkaasi oo shalay ka dhacday Gaarisa laakiin sida uu sheegay ka hor la qabtay.

HOME