Boolis loo xil-saaray amniga Marka

Bar-kulan

February 1, 2012 Markacadeey

Boqol askari oo boolis aha ayay dowladda Soomaaliya sheegtay inay sugayaan amniga xaafadaha magaalada Marka ee xarunta u ah gobolka Shabeelaha Hoose.

Ra’iisul wasaaraha Soomaaliya, Cabdi Faarax Shirdoon oo shalay booqasho ku tagay magaalada Marka ayaa sheegay in dhaqaalaha ku baxaya boqolka askari uu bixinayo xafiiskiisa inta laga helayo dhaqaale ku filan oo ay dowladda Soomaaliya u qoondaynayso gobolka oo dhan.

Shirdoon ayaa hadalkan ka sheegay kulan uu xalay qaybaha bulshada ee magaalada Marka la qaatay, waxaanu tilmaamay in askarta oo ka kala imaanaysa beelaha gobolka laga billaabo maanta ay howlgalkooda amni billaabayaan.

Ra’iisul wasaare Cabdi Faarax Shirdoon iyo wafdi wasiirro ah oo uu hoggaaminayo oo shalay tagay magaalada Marka ayaa xalay ku hoyday gudaha magaalada.

HOME