Soomaalida ka soo laabaneysa dalka Kenya oo sii kordheysa

Radio Muqdisho

February 2, 2012 Markacadeey

Tirada dadka Soomaaliyeed ee ka soo laabaneysa Dalka Kenya ayaa si aad ah usii kordheysa, ayadoo soo laabasahada dadkaasi ay kusoo laabanayaan dalkooda hooyana si aad ah looga dareemay xaafadda Islii ee Magaalada Nairobi iyo Xerooyinka Qaxootiga.

Magaalooyinka waaweyn ee dalka Kenya sida Nairobi, Mombasa iyo xeryaha Qaxootiga ayaa si weyn looga dareemaya dadka Soomaaliyeed ee dib ugu soo laabanaya dalkooda hooyo kadib markii ay soo hagaagtay xaalada ammaan ee dalka.

Magaalada Nairobi gaar ahaan xaafada Islii oo ay Soomaalidu ku badantahay ayaa laga dareemaya hoos u dhac dhinaca ganacsiga ah iyo sidoo kale hoos u dhac ku yimid qiimaha lagu kireysto guryaha kadib markii ay Soomaali farabadan ay dib ugu soo laabteen dalkooda.

Sidoo kale guryihii ciriiriga ahaa ayaa haawanaya kadib markii ay inta badan Soomaalidii deganeyd xaaafadaasi ay isaga soo taageen waxana sidoo kale hakad ku yimid dhismayaal dhowr ah oo ay ganacsato Soomaaliyeed ka hirgelinayeen xaafada Islii.

Dquluqulka Soomaalida ka soo laabanaysa Kenya ayaa sidoo kale laga dareemaya garoonka diyaaradaha Aadan Cadde, waxaana dib usoo laabashadooda loo aaneynayaa kadib markii uu xumaaday amaanka dalka Kenya isla markaana ay soo hagaagtay xaalada ammaan ee dalkeena Soomaaliya.

HOME