Wasaaradda Arrimaha Gudaha oo soo dhaweeysay go’aanka culumada Soomaaliyeed

Radio Muqdisho

February 18, 2012 Markacadeey

Wasaaradda Arirmaha Gudaha iyo Amniga Qaranka Xukuumadda Federaalka Soomaaliya ayaa mar kale soo dhaweysay go’aanka culumada Soomaaliyeed ee ku aadanayaa in la qabto shirweyne looga arrinsanayo dhibaatada Al-Shabaab ay ku hayaan dhammaan Bulshada qeybaheeda kala duwan oo ay hormuud ka yihiin dilalka Culumada lagula kaco.

Wasiirka Arrimaha Gudaha iyo Amniga Qaranka Soomaaliya C/kariin Xuseen Guuleed ayaa mar kale tilmaamay in ay soo dhaweynayaan cid walba oo Al-Qaacidda dabar goynteeda ka qeyb qaadaneyso, isagoo xusay in dhawaan la qaban doono shir weyne ay ka qeyb-galaan Bulshada Soomaaliyeed, iyadoo dowladana ay ku howllantahay qabsoomidda shirkaasi, si meesha looga saaro dhibaatayada argagixisada .

Dhinaca kale mudane C/kariin Xuseen Guuleed ayaa hoosta ka xariiqay in diyaarinta ciidammo si gaar ah uga shaqeeya amniga magaalada Muqdsiho uu meel gabagabo ah marayo, isagoo dhinaca kale xusay in dib u habeyntii lagu sameynayay maaamulada gobollada siddeedii ay u soco, isla markaana sida ugu wacan ay u dhammeystiri doonaan arrintaasi.

Hadii uu qabsoomo shirka dowladu ku baaqday ayaa laga filan karaa go’aano wadajir ah oo ay Culumada Soomaaliyeed hormuud ka yihiin.

HOME