|
Ciidamada XDS oo la wareegay tuulooyin ka tirsan gobolka Baay
Radio Muqdisho
February 20, 2012 Markacadeey
|
Ciidamada XDS ayaa la
wareegay deegaano hoostaga gobolka Baay, kadib howlgalo ka
dhan ah argagixisada oo ay ka sameeyeen gobolkaasi.
Xasan Beydhabo oo ka mid ah saraakiisha ciidamada XDS ee
gobolkaasi ayaa Radio Muqdisho u sheegay in saacadihii ugu
dambeeyay ay ciidamadu Maleeshiyaadka Shabaab kala wareegeen
tuulooyin farabadan oo hoos taga Gobolka Baay.
Sidoo
kale Sarkaalka oo hadalkiisa sii wata ayaa tilmaamay in si
dardar leh ay ku socdaan howlgallada ciidamada XDS ay
gobolkaasi kaga sifeynayaan haraadiga Maleeshiyaadka
Shabaab, wuxuuna hoosta ka xariiqay in maleeshiyaadkii
Shabaab ay isugu soo urureen dhanka Iidaale.
Xasan
Beydhabo ayaa tibaaxay in tuulooyinkii ay dadka baadda kaga
qaadijireen oo ay ciidamadu la wareegeen ay ka mid yihiin
Goodis, Goorisamo, Buulobarako, Dhaaloow, iyo Xawaal
Barbaaro oo dhamaantood ka kala tirsan degmooyinka Baydhabo
iyo Diinsoor ee gobolka Baay
"intii ay howlgaladaasi
socdeen waxaan nolosha ku qabanay Sagaal nin oo ka tirsan
maleeshiyaadka Shabaab, kuwaas oo iyagoo dagaalamaya la
qabtay, hadana waxeey ku suganyihiin magaalada Beydhabo"
ayuu yiri Xasan Beydhabo.
Howgalkan ayaa qeyb ka ah
howlgallo baahsan oo shabaab lagaga xoreynayo dalka kaas oo
ka socda inta badan gobollada dalkeena.
HOME
|
|
|
|
