Al-shabaab oo guula ka sheegtay dagaal ka dhacay Janaale

Allpuntland

February 21, 2012 Markacadeey

Al-shabaab ayaa guulo wax ku ool ah ka sheegtay dagaal ay deegaanka Janaale ee gobolka shabeelada hoose kula galeen ciidamada huwanta.

Ka dib Shirjiraa’id uu saxaafada u qabtay Afhayeenka ciidamada Al-shabaab Sheekh C/casiis Abuu (Muscab) ayaa wuxuu sharaxaad kaga bixiyay shirkiisa dagaalada ay la galeen ciidamada dowlada iyo AMISOM oo iskaashanaya,isagoona sheegay in dagaalka ay ka soo hoyiyeen guulo la taaban karo.

Wuxuu sheegay in weerar culus ay ka geesteen afaafka laga soo galo Magaalada iyo sidoo kale xarunta Janaale halkaasi oo uu sheegay in qasaaro ka soo gaareen ciidamada huwanta ah.

Abuu Muscab ayaa sidoo kale sheegay in ciidamada Shabaab ay weerar kale ku qaadeen xero ciidan oo ay ku sugan yihiin ciidamada AMISOM oo Janaale ku taal halkaasi oo uu tilmaamay in khasaaro badan uu ka dhashay.

Afhayeenka Shabaab ayaa sheegay in ciidamada AMISOM ay ka dileen askar gaaraya ilaa dhowr iyo labaatan halka sida uu sheegay dhankoodana ay ka geeriyoodeen saddex askari.

Dagaalka ka dhacay Janaale ayaan la xaqiijin karin khasaaraha dhabta ah ee ka dhashay ka sokoow guulaha ay labada dhinac kala sheeganayaan.

HOME