Gen. Muungaab oo digniin adag u diray saraakiisha isku dayda iney sii daayaan dadka dambiilayaasha ah

Radio Muqdisho

February 22, 2012 Markacadeey

Maxkamada sare ee ciidanka qalabka sida ee Soomaaliyeed ayaa digniin u dirtay Saraakiisha iyo askarta isku dayada in ay sii daayaan dambiilayaasha, iydoo sidoo kalana maxkamadu sheegtay in ciddii lagu arko falkaasi ay muteeysan doonto ciqaab adag oo sharciga waafaqsan.

Gudoomiyaha Maxkamada sare Gen. Xasan Maxamed Muungaab ayaa sheegay in aan loo dulqaadan doonin saraakiisha isku dayada ineey sii daayaan dadka dambiilayaasha ah, iyadoo la fulanayo amarka madaxweynaha uu markasi muteysan doono ciqaab adag.

"Sarlkaalkii sii daaya ruux dambiila ah isaga ayaa booskiisa gelaya waxaana jira hadda saraakiil u xiran dambiilayaal ay sii daayeen iyo kuwo kale oo ay ku socoro baaritaanno" ayuu yiri Gen. Muungaab.

Generaal Muungaab ayaa ku hanjabay in sarkaalkii sii daaya qof dambiila ah uu geli doono booskii dambiilaha isla markaana aysan maxkamadu ka waaban doonin meel marinta amarka madaxweynaha.

HOME