|
Kismaayo: Howlgal 50 tuhmane iyo hub lagu qabtay
Bar-kulan
February 22, 2012 Markacadeey
|
Ciidamada dowlada Federaal-ka Soomaaliya
iyo kuwa AMISOM ayaa howlgallo ay saaka ka sameeyeen
magaalada Kismaayo waxay ku qabqabteen 50 qof oo lala
xariirinayo inay ka tirsan yihiin maleeshiyada al-Shabaab
iyo hub noocyo kala duwan leh.
Cidamada ayaa
howlgalka ka sameeyay xaafadaha magaalada ayay guri-guri u
baarayeen, sida uu Bar-kulan u xaqiijiyay taliyaha amniga ee
ciidamada dowladda Soomaaliya u qaabilsan gobollada
Jubbooyinka, Jeneraal Ismaaciil Saxardiid.
Taliyaha
waxa uu sheegay in howlgalka uu ahaa mid lagu xaqiijinayo
amniga magaalada Kismaayo oo uu barri ka furmayo shirka
maamul-u-samaynta gobollada Jubbooyinka.
Qaar ka
tirsan saraakiisha ciidamada dowladda ayaa Bar-kulan u
sheegay in tuhmaneyaasha howlgalka lagu qabtay qaarkood lagu
xiray saldhigga dhexe ee Kismaayo, halka kuwa tuhunka wayn
laga qabo loo gudbiyay saldhigyo ay ciidamada AMISOM iyo
kuwa Soomaaliya ku leeyihiin magaalada.
HOME
|
|
|
|
