Ururka IGAD oo lacag ugu deeqay Soomaaliya

Allpuntland

February 23, 2012 Markacadeey

Urur Goboleedka IGAD ayaa ku dhawaaqay inuu bixinayo lacag gaareysa one billion oo dolllarka Mareykanka ah,si wax loogu qabto abaaraha saameeyay wadamo badan oo Geeska Africa ku yaalo,islamarkaana laga xusay Soomaaliya qeyb ka tahay Gobolka abaaraha sida weyn u daashaday dadkeeda.


Warbixin ay soo saareen IGAD,ayaa lagu sheegay in 40-kii sano ee u danbeysay ay taariikhda ku hayaan in abaartii gobolka soo martay si weyn u sameysay gobolka Geeska Africa ku yaala.

Sidoo kale IGAD,ayaa soo hadal qaaday wadanka Soomaaliya ay ku tilmaamay meesha ugu saameynta badan abaaraha marka loo eego gobolada kale,iyagoona sheegay in tixda ay ugu jirto wax ka qabshada saameyntaasi.

Qabiiro ayaa sheegay in iminka wadamada abaarahaasi ay halakeeyeen dadkooda wali inay ka kabsan la'yihiin,islamarkaana wali la daala dhacayaan dhibaatadii ka soo gaartay,taasina ku qasabtay in IGAD ay is xilqaanto oo lacagtaasi malaayiinta Dollarka ay ku deeqdo wadamo Soomaaliya ay ka mid tahay.

Ururka ayaa sheegay in deeqdani lacageed ee abaaraha wax looga qabanaayo ay la kaashadeen Banka horumarinta Africa,isagoo qeyb weyn ka qaatay bixinta lacagtaasi.

Urur goboleedka IGAD,ayaa ah wadamo isu tagay islamarkaana ka kooban, Kenya, Uganda, Eritrea, South Sudan, Djibouti, Ethiopia, Sudan iyo Somalia.

HOME