Labo ku dhimatay qarax ka dhacay xafiiska RW Shirdoon

Bar-Kulan

January 29, 2012 Markacadeey

Labo qof oo mid uu ahaa qof is qarxiyay, kana kalena uu ahaa askari ka tirsan ilaalada raysul wasaaraha ayaa ku dhimatay, labo kalena waa ay ku dhaawacantay qarax saaka ka dhacay afaafka hore ee xafiiska raysul wasaaraha Soomaaliya Cabdi Faarax Shirdoon ee ku yaalla gudaha xarunta Villa Soomaaliya.

Saraakiisha ammaanka ayaa sheegay in uu qaraxa geystay qof isa soo miidaamiyay, kaasoo is qarxiyay kaddib markii askari ka mid ah ilaalada raysul wasaaraha uu rasaas ku furay dhinaciisa.

Labada qof ee ku dhaawacantay qaraxa waxay ka tirsan yihiin ilaalada rayul wasaaraha.

Ilaa hadda ma jirto cid sheegatay mas’uuliyadda weerarka, hase ahaatee weerarrada noocan oo kale ah waxaa inta badan fulisa kaddibna sheegata maleeshiyada al-Shabaab.

Mas'uuliyiinta dowladda Soomaaliya iyo kuwa AMISOM ayaan iyaguna weli ka hadlin qaraxa dhacay.

HOME