Kooxo Hubeysan oo weeraray Garoonka Diyaaradaha Baydhabo

Shabelle

January 30, 2012 Markacadeey

Kooxo hubeysan ayaa xalay weerar waxa ay ku qaadeen Garoonka Diyaaradaha Magaalada Baydhabo ee Xarunta Gobolka Bay halkaasi oo ay ku sugnaayeen Ciidamo ka tirsan kuwa Ithopiya iyo dowladda Soomaaliya.

Weerarkaasi ayaan la sheegin Khasaaraha ka dhashay iyadoo dhinaca kale Al Shabaab xalay ay weerar ku qaadeen Bar Kontarool oo Ciidamada dolwadda ay ku leeyihiin Magaaladaasi Baydhabo Gaar ahaan deegaanka loo yaqaanno Goof Gaduud ee Gobolka Bay.

Weerarka lagu qaaday bartaasi Kontarol ee Ciidamadda dowladda ay ku leeyihiin Deegaanka Goof Gaduud ee Gobolka Bay ayaa inta la ogyahay waxaa ku geeriyooday illaa 3 qof tiro intaa ka badanna ay ku dhaawacmeen iyadoo dhinacyada halkaasi ku dagaalamana ay Guulo kala sheegteen.

Weeraradaan ayaa waxa ay ku soo beegmayaan xilli Magaaladaasi Baydhabo ay ku suganyihiin Masuuliyiin ka tirsan dowladda Federaalka Soomaaliya kuwaasi oo halkaasi la tashiyo dhanka Maamul u sameynta Gobolkaasi ku aadan kula leh Waxgaradka iyo qaybaha Bulshada Gobolkaasi.

HOME