Jaylaani Iikar: Caddaalad baa wax lagu qaybsan doonaa

Bar-kulan

January 31, 2012 Markacadeey

Guddoomiye ku-xigeenka koowaad ee baarlamaanka Soomaaliya, Jaylaani Nuur Iikar ayaa rajo wanaagsan ka muujiyay inuu baa’bi doono habka wax qeybsiga ee 4.5, ayna dadku si caddaalad ah wax ku qabaysan doonaa.

Jaylaani Nuur oo waraysi siiyay Bar-kulan ayaa sheegay in marka uu dhammaadi waqtiga dowladda hadda jirta laga gudbi doono nidaamka afar iyo bar, wuxuu xaqdarro ku tilmaamay nidaamkaas oo uu sheegay inuu hadda ku dhisan yahay baarlamaanka Soomaaliya.

Xukuumadda Soomaaliya ayaa hadda ku dhisan nidaam la simay beelaha, taas oo u muuqata inay jirto rajo ah inay baabi’i karto nidaamka afar iyo bar.

Dhinaca kale, guddoomiye ku-xigeenka koowaad ee baarlamaanka Soomaaliya ayaa xusay in horraanta bisha soo socota ee Febraayo ay dalka Soomaaliya tagi doonaan wafdi ka socda baarlamaanada Islaamka, si ay u soo indho indheeyaan xaaladda dalka, gaar ahaan tan baarlamaanka Soomaaliya.

HOME