|
Magaalada Baladweyne ee Xarunta gobolka Hiiraan ayaa
wararka ka imaanaya waxa ay sheegayaan in Ciidamo ka tirsan Militariga Ethiopia
qarax miino lagula eegtay Boosteejada Xamar ee Howlgadaag ee Magaaladaasi.
Miinada oo aheyd nuuca dhulka lagu aaso ayaa loo adeegaday Rimuud Kontorolka,
waxaana la sheegay in Ciidamada lala eegtay xilli ay mareeyeen halkaasi,
inkastoo aan la’ogayn qasaaraha ay gaysatay miinadaasi, iyadoo Ciidamada
Ethiopia ay howlgallo ka bilaabeen goobta lagula eegtay Miinada wallow ilaa iyo
iminka aan cadeyn cidda lagu soo qab qabtay howlgalkaasi.
Dhinaca kale Meyadadka shan ruux oo jirkoodu ay ka muuqato rasaas xoogan ayaa
laga helay Wabiga Shabellaha hoose iyo Xaafado ka mid ah Magaaladasi, iyadoo
arintaasi ay baqdin galisay dadka ku nool halkaasi.
Lama oga cidda dilkaasi gaystay hase ahaatee meydadka ayaa lagu soo waramayaa
inay ka xirnaayeen gacmaha iyo indhaha islamarkaana labo ka mid ah la aqoonsaday
inkastoo la aqoonsan waayay 3-dii kale maadaama jirkoodu uu is badalay rasaas
cul culusna ay ku taalay.
Xaaladda Magaalada Baladweyne ayaa kacsan, waxaana baqdin iyo cabis soo wajahday
dadka ku sugan halkaasi, iyadoo inta badan ciidamada dowladda Ethiopia qaraxyo
miino lagula eegto Magaaladaasi kuwaasi oo intoo badan Mas’uuliyaddoodu ay
sheegtaan Xarakada Al Shabaab.
HOME
|
