|
General Cabdi Xasan Cawaale Qeybdiid taliyihii hore ee ciidamada booliiska
Soomaaliyeed oo shir jaraa’id ku qabtay Gaalkacyo ayaa sheegay in raggii dhowaan
lagu dilay konfurta Gaalkacyo aysan wax lug ah ku laheyn argagixiso.
General Qeybdiid ayaa muujiyay sida uu uga xunyahay falkii lagu dilay Sadex ruux
oo shalay subax meydadkooda lagu arkay konfurta Gaalkacyo Dhanka kale Generalka
ayaa waxa uu carrabka ku adkeeyay in raggaasi aysan shaqo ku laheyn qaraxii
dhawaan lala beegsaday gurigiisa.
General Qeybdiid ayaa ugu baaqay hey’adaha amniga in ay sameeyeen baaritaanno
dheeraad ah oo la xiriira dilka raggaasi si ayuu yiri caddaalada loo horkeeno
gacan ku dhiiglayaashi geystay dilkaasi.
Hadalka Generalka ayaa ku soo beeegmaya xilli madaxweynaha maamulkaasi uu ku
maqanyahay dalka Jabuuti isla markaana Taliyaha qeybta booliiska G/sare Maxamed
Nuur Cali oo wareeysi siiyay Radio Muqdisho uu dilka raggaasi ku eedeeyay
madaxweynaha maamulkaasi oo uu sheegay in geeysteen ciidamo gaar ah oo uu
madaxweynuhu sameeystay.
HOME
|
