|
Ka dib markii abaabul dheer iyo wadahadal uu sameeyey Wasiir ku xigeenkii hore
ee wasaaradda Maaliyadda Mudane Sheekh Mukhtaar Sheekh Shuute ayaa waxaa shir
isugu yimid Qowmiyadda Benaadiriga ee ku dhaqan dalalka Soomaaliya & Ingiriiska,
shirkaas oo ay ku ballan sanaayeen dhammaan Benaadiriga ku kala nool adduunka
daafihiisa kala gedisan, sida kuwa ku sugan USA, Kanada, Ustralia, Sweden &
Talyaaniga, oo ay uga soo qeyb geli rabeen khadka teleefanka oo cillad farsama
awgeed u suurta geli weysey.
Shirkaasi ayaa waxaa khadka telefoonka kagala soo qeyb galey Wasiirka Wasaaradda
Hawlaha Guud iyo Dib-u-Dhiska Soomaaliya, Mudane Jeylani Nuur Iikar, asagoo
Xamar jooga.
Shirkaasi oo lagu qabtey caasimadda dalka Ingiriiska ee London oo ay ka soo qeyb
galeen qaar ka mid ah odayaasha Reer Banaadir ee ku sugan dalka Boqortooyada
Ingiriiska.
Waxaa Shirkaas lagu casumey Eng. Abba Awoow Suufi oo ah madaxweeynaha Bnaadir
State oo khudbad ka soo jeediyey Shirkaasi taas oo uu ku sheegey munaasabaddasi
kelmadihii ku haboonaa, waxaa kaloo ka soo qayb galey dad hawlo muhim ah ka soo
qabtay dawladahii hore ee dalka Soomaaliya oo ay ka mid yihiin, Dibloomaasiyiin,
Siyaasiyiin, Suxufiyiin, Saraakiil Ciidamada Qalabka Sida, Takhaatiir, Haween
iyo Ganacsato, waxaa shir guddoominaayey shirkaas Dr. Axmed Shariif Cabbaas.
Waxaa kale oo si weyn uga soo qayb galay, dhallinyaro leh tacliin sare iyo
xirfado kala geddisan kuna qaatay dalkan Ingiriiska kuwaas oo muujiyay in ay
diyaar u yihiin in ay dowr weyn ay ka qaataan dib-u-dhska dalka hooyo iyo hor-u-marinta
mujtamacooda.
Arrimaha lagu soo qaaday shirka waxaa ka mid ahaa, sidii looga hortagi laahaa
dulmiga lagu haayo ummadda Reer Banaadir iyo sidii loo burburin lahaa nidaamka
xaaraanta ku dhisan ee loo yaqaan 4.5ka oo ka soo horjeeda xaqa uu bani-aadamka
u leeyahay in uu helo caddaalad iyo sinnaan, waxaa kaloo si aad ah meesha looga
sheegey in Benaadir ay leeyihiin Qowmiyadda Benaadiriga.
Ka qaybgaleyaasha shirka waxay ku dheeraadeen baahida loo qabo in Reer Banaadir
meel kasto ay joogaan in ay midoobaan, si ay u daafacaan xaqooda muqaddaska ah
ee ay ku leeyihiin dalka hooyo iyo in ay ilaashadaan danahooda guud. Waxaa la
soo qaaday midnimada in ay muqadas tahay maahmaah Soomaaliyeed ayaa waxey
dhaheysaa “Far kaligeeda, fool ma dhaqdo”.
Ka dib, guddoomiyaha shirka wuxuu ku soo dhoweeyay khadka telefoonka Wasiirka
Wasaaradda Hawlaha Guud iyo Dib-u-dhiska, Mudane Jeylani Nur Iikar oo Xamar ku
sugan oo khadka teleefoonka kala socday dooda shirka.
Wasiirka wuxuu ka mahad celiyay soo dhoweynt iyo ka qayb qaadashada shirka,
sidoo kale qayb-galeyaasha oo mid-mid ugu soo jeediyeen salaam iyo hambalyo
uguna duceeyeen in Ilahay u fududeeyo hawlaha culus ee uu qaranka Soomaaliyeed u
haayo.
Isku xirka labada dhinac ee khadka telefoonka oo lagu soo tebinaayay samaacado
waaweyn oo inta qolka fadhiday u maqlaysay Wasiirka si asagoo isla qolka la
fadhiyo oo kale ah, waxaa farsamadii xiriirinta sameeynaayey Fannaan Maxamed
Maclow.
Wasiirka wuxuu ku wargaliyay shirka London ee Odeyaasha Reer Banaadir, arrimaha
siyaasadeed ee dalka iyo halka maanta la maraayo. Wuxuu aad iyo aad ugu adkeeyay
Reer Banaadir inay gacmaha is qabsadaan oo si wada jir ah ugu soo jeestaan
dowrka laga rabo in ay ka qaataan siyaasadda dalka guud ahaan, iyo sidii ay uga
qeyb qaadan lahaayeen dhismaha dalka hooyo iyo arrimaha guud ee Benaadiriga.
Wuxuu wasiirka xasuusiyey Qowmiyada Benaadiriga in 6 ka mid ah ay ahaayeen
Qoowmiyadda Benaadiriga 13kii aasaasayaashii SYL ee gobanimada soo gaarsiiyey
dalka iyo Ururkii Dhallinyarada Benaadir ee loo aqoon jirey U.DH.B. (UGB) Iyo
weliba kii xisbigii Digil & Mirifle horseedna u ahaayeen gobanimadoonkii
dalkeenna ee Soomaaliya.
Madaama shirkaan uu ahaa kii ugu horeeyay noociisa oo Banaadiriga UK jooga ay la
yeeshaan Wasiirkooda, wuxuu ahaa fursad aad loo soo dhoweeyay oo loo riyaaqay.
Wasiirka waxaa kaloo uu ku adkeeyey intii ka soo qeyb gashey sida loogu baahan
yahay Khibradahooda kala duwan iyo aqoontooda, kana qeyb gaataan siyaasadda
dalka.
Ugu dambeystii Dr. Axmed Shariif Cabbaas, ayaa asagoo ku hadlaayo magaca shirka
inta isugu timid iyo magaciisa uga mahadceliyay Wasiirka waqtigiisa iyo
khudbaddii qiimaha lahayd ee uu u soo jeediyay shirka Odeyaasha Benaadiriga ee
London, asagoo khadka Telefoonka kala soo hadlaayay Xamar iyo odayaashii ay u
suurta gali weysey in ay khadka teleefanka kaga soo qayb galaan Benaadiriga
adduunka daafihiisa.
Ka soo qeyb galayaasha waxay kala ahaayeen:
1- Abba Awoow Suufi Madaxweynaha Benaadir State
2- Sheekh Mukhtaar Sheekh Shuute Wasiir ku xigeenkii Hore ee Maaliyadda
3- Dr. Axmed Shariif Cabbaas Guddoomiyaha Benadir UK.
4- Amb. Maxamed Cusmaan Cumar
5- Dr. Yuusuf Munye Yuusuf
6- Karaama Siidii Xaaji
7- Khaalid Mocoow Abdulqaadir
8- Max’ed Cadde Mukhtar
9- Cabulcaziiz Max’ed Nuur
10- Xasan Turki Axmed
11- Max’ed Makki
12- Max’ed Macalloow Nuur
13- Shariif Abuubakar Cali
14- Shariif Cabdalla Sangaaf
15- Shariif Max’ed Xuseen
16- Ismaaciil Shariif Abuukar
17- Cusmaan Sheekh Cali
18- Xasan Muriidi Mahdi
19- Xuseen Muriidi Mahdi
20- Cusmaan Max’uud Iimaan
21- Saadaat Shariif Max’ed
22- Qasaali Faqay Abuu Sheekh
23- Xamza Shariif Max’ed
24- Asaadi Sheekh Shariif
25- Aweys Max’ed Cali Nuur
26- Xassan Xaaji Nuur
HOME
|
