Maamulka Gobolka Banadir oo tababar u furay inkabadan 60 askari

SONNA

January 1, 2012 Markacadeey

Maamulka Gobolka Banadir ayaa maanta tababar u furay inkabadan 60 askari oo ka qeyb qaadan doono ka shqeynta ilaadada deeganka, ururinta canshuuraha suuqyada Muqdisho iyo sidoo kale ilaalinta nadaafadda deegaanka.

Guddoomiyaha gobolka Banaadir ahna duqa magaalada Muqdisho, mudane Maxamuud Axmed Nuur “Tarsan” oo ka hadlay munaasabadda tababarka loogu furayay askarta ayaa sheegay in ciidanka ilaalada deeganka ay tusaale u yihiin horumarinta nidaamka dowladnimo sida darteedna ay mas’uuliyad iska saaraan sidii ay bulshada ugu horseedi lahaayeen nidaam Qaranimo.

Mudane Maxamuud Axmed Nuur “Tarsan”ayaa sidoo kale askarta ilalaada deeganka uga baaqay in ay iska ilaaliyan musuq maasuqa iyo fulinta dano gaarka ah, iyadoo la dayacayo tii qaranka maadama canshuurtu ay tahay aasaska dhaqaalaha dowladda oo ay ku fulinkarto baalaarinta adeegga bulshada.

Askartani maanta loo furay tababarka oo gaaray 60 askari oo loo tababari doono ka shqeynta ilaadada deeganka, ururinta canshuuraha suuqyada Muqdisho iyo sidoo kale ilaalinta nadaafadda deegaanka.

HOME