La-haysteyaal u dhashay Syria oo lagu wareejiyay dowladda Soomaaliya

Bar-kulan

January 12, 2012 Markacadeey

Maamulka Ximan iyo Xeeb ee bartamaha Soomaaliya ayaa maanta dowladda federaalka Soomaaliya ku wareejiyay saddex la-haysteyaal ahaa oo u dhashay dalka Syria.

Madaxweynaha maamulka Ximan iyo Xeeb Maxamed Cabdullaahi Aadan (Tiicey) ayaa saddexda nin ku wareejiyay dowladda federaalka, kuwaasoo diyaarad looga soo qaaday magaalado Cadaado, lana geeyay magaalada Muqdisho.

Koox Khamiistii ku dhawaaqday in ay ka baxday burcad badeedda Soomaalida ayaa sii deysay saddexda qof ee u dhashay dalka Syria oo in muddo ah u afduubnaa.

Sida uu Bar-kulan u sheegay madaxweynaha maamulka Ximan iyo Xeeb Maxamed Cabdullaahi Aadan (Tiicey) la-haysteyaasha ayaa la sii daayay iyagoo aan wax madax-furasho laga qaadan.

Kooxaha sii daayay la haysteyaasha oo uu madax u ahaa hoggaamiyihii burcad badeedda ee gobollada dhexe Maxamed Cabdi Xasan (Af-weyne) ayaa Khamiistii si rasmi ah u caddeeyey inay ka tanaasuleen falalkii burcad badeednimo.

HOME