Maamulka G/Banaadir oo Shacabka uga Digay inay Dhistaan Hareeraha Waddooyinka

SONNA

January 14, 2012 Markacadeey

Maamulka gobolka Banaadir ayaa uga digay dadka dhismooyinka cusub ka Sameysanaya magaalada Muqdisho iney dhismooyinkooda ku soo durjiyaan wadooyinka.

Gudoomiyaha maamulka gobalka Banaadir ahna Duqa magaaladda Muqdisho mudane Maxamuud Axmed Nuur ‘’Tarsan’’ ayaa uga digay dadka leh Hoteelada iyo Dukaamada in ay hareeraha laamiga surtaan tabeelayaasha, waxa uuna tilmaamay gudoomiyaha in mamulka gobalku uu wax ka qaban doono Biraha la surayo hareeraha wadada.

Sidoo kale gudoomiye Tarsan ayaa uga digay dadka hareeraha jidadka ka dhistay dukaamada ama guryaha in ay joojiyaan, isagoo ugu baaqay in ay dumiyaan goobahaasi laga dhisay hareeraha wadooyinka waxa uuna Duqa Muqdisho ku celi celiyay in aanan marnaba la ogolaan doonin in la isticmaalo wadooyinka.

Bilicda caasimada Muqdisho iyo kuwa Gobalada dalka ayaa lahaan jiray muuqal qurux badan oo aad looga shaqeyn jiray waxaana haatan dowlada dhexe ee Soomaaliya ay wadaa dhismo, dayactir, dhireyn, iyo qurxin lagu sameynayo hareeraha jidadka waaweyn ee magaalada Muqdisho,taasoo qeyb ka ah horumarka dalka.

HOME