Sedex qofood oo labo ka mid ah ay ahaayeen ciidamada dowlada federaalka kmg-ka SOomaaliyeed ayaa geeriyootey, labo qof oo kalena dhaawac ayaa soo gaaray, markii weerar lagu qaadey goob ay ciidamada ku sugnaayeen.

Wararka ayaa sheegaya in ay wateen kooxaha ka horjeeda dowlada ay rasaas ooda kaga qaadeen goobtan ay ku sugnaayeen ciidamadan iyo qaar ka mid ah ciidamada Ilaalada deegaanka oo canshuuro aruurinayay.

Dadka geeriyoodey labo ka mid ah ayaa la sheegay in ciidamada booliiska ay ahaayeen, halka midka kalena la sheegay in uu ahaa nin darawal gaadiidka Bl-ka ah.

Dhinaca weerarka soo qaadey ayaa laa sheegay in uu iyagana qof ka dhaawacmey, ayada oo lagu soo waramay in dhaawacooda ay qaateen.

Maxamed Cali Maxamuud (Madka)
Xafiiska Markacadeey Muqdisho