“Dadka Soomaaliyeed waa is xoreynayaan, Hadde Somalida labo nin iyo sedex nin oo ka tagtay kama joojineyso halganka xoreynta” Sidaasi waxaa yiri Zakariye Maxamuud Xaaji Cabdi oo ka mid ah xubnaha isbahaysiga dib u xoreynta garabka Asmara. 

“Ninba maalin ayuu tareenka ka dhacayaa, Ninkii isku dhiibo gaalo iyo cadowga, isaga ayay jirtaa, anaga waa noo socdaan shirarkeena iyo howlaheena” ayuu yiri zakariye. 

“Qaramada Midoobay halkee bey jireen markii xabashida ay misaajidyada ku leynayaan shacabka Soomaaliyeed, mise hadda ayay dhasheen” ayuu yiri zakariye.

“Sidee beysan u la shirin raga jabuuti tagay, isku siminaar bey ku jireene” ayuu yiri zakariye. 

“Beel caalam wax la yiraahdo ma jiraan, beesha Caalamka ee runta ah waa ka soo horjeedaan in Somalia la gumeysto, Ciidan Qaramada Midoobey xagee loo wadaa, dalka ciidan baa heystaa, kuwa kale miyaa lagu darayaa?” ayuu yiri zakariye. 

Maxamed Cali Maxamuud (Madka)
Xafiiska Markacadeey Muqdisho