|
Ciidamada qalabka-sida ee Soomaaliya oo kaashanaya kuwa dowladda Ethiopia ayaa lagu soo waramayaa in xalay ay ka hortegeen weerar ay maleeshiyaadka Al-qaacidda ku soo qaadeen bar koontarool oo ay ciidamada ku lahaayeen duleedka Xudur.
Wararka ay Wakaaladda SONNA ka heleyso magaalada Xudur ee xarunta Gobolka Bakool ayaa tilmaamaya in maleeshiyaad ka tirsan Al-shabaab ay hungoobeen weerar ay la damacsanaayeen in ay u soo gudbaan gudaha magaalada, iyadoo arrintaasi ay fashiliyeen ciidamada dowladda iyo kuwa Ethiopia inkasta oo ay jiraan qasaaro labada dhinac soo kala gaaray.
Xildhibaan Max’ed Axmed Laxoos oo isna u waramay Warbaahinta Qaranka ayaa hoosta ka xariiqay in tiro dhowr ah laga dilay kooxdii weerarka soo qaaday, haatanna ay wadaan tirinta meydadka ay ka carareen maleeshiyaadka Al-shabaab ee ku fashilmay in ay gudaha u soo galaan magaalada Xudur.
Warku waxa uu intaa ku darayaa in rasaas habow ah ay magaalada ku dishay laba qof oo rayid ah.
HOME
|
