|
Wasaaradda Dastuurka, Arrimaha Federaalka iyo Dib u Heshiisiinta Xukuumadda
Soomaaliya ayaa sheegtay in laga been sheegay Qodobo ku qoran Dastuurka dalka,
kuwaas oo ay ku tilmaamay in looga gol leehay in lagu Hakiyo Horumarrada dalka
ka socda.
Wasiirka Dastuurka, Arrimaha Federaalka iy Dib u Heshiisiinta Xukuumadda
Soomaaliya mudane C/raxmaan Xoosh Jabriil oo Warreysi siinayay Telefishinka
qaranka ayaa sharraxaad ka bixiyay arrimaha Dastuurka iyo qodobada laga been
sheegay, isagoo xusay in Dastuurka Soomaaliya aan weli la akhrin, shacabka
Soomaaliyeedna looga baahan yahay in ay Akhriyaan, si ay u arkaan qodobada laga
been sheegay.
Sidoo kale wasiirka ayaa xusay in Qodobka Labaad Farqaddiisa Koowaad ee Datuurka
ay ku qoran tahay in Dastuurka Soomaaliya saldhig looga dhiggay Qur’aanka
Kariimka ah iyo Sunna Nabiga, maadaama ummadda Soomaaliyeed ay yihiin shacab
guud ahaan Muslimiin ah.
Mudane C/raxmaan Xoosha ayaa hoosta ka xaqiiqay in Dastuurka ay ku qoran tahay
in Soomaaliya uu yahay dalka African, isla markaana ka mid ah shacuurka Carrabta,
isagoo intaa raaciyay in dalka Dastuurka ku hoggaaminayo in la dhiso Xukuumadda
loo dhan yahay oo ka shaqeysa Cadaallada iyo rabitaanka shacabka Soomaaliyeed.
Wasiirka Dastuurka ayaa tilmaamay in Dastuurkii Soomaaliya uu lahaa 1960-kii iyo
midka hadda la sameeyay in Diinta Islaamka si wanaagsan loogu salleeyay midka
hadda Soomaaliya loo sameeyay.
“Shacabka Soomaaliyeed waxaa looga baahan yahay in aysan u dhagtaagin been
abuurka ay wadaan shaqsiyaadka dowladnimada ka soo horjeedda, waxaan ummadda
Soomaaliyeed ku boggaadinayaan in ay qaadato go’aan geysinimo leh, si dalka loo
gaarsiyo meel wanaagsan” ayuu yiri wasiirka Dastuurka.
HOME
|
