|
Kullan maanta Magaalada Boosaaso ee Xarunta gobolka Bari ay ku yeesheen
Odayaasha dhaqanka ee Maamul goboleedka Puntland ayaa waxa ay ka hadleen
Odayaasha ansixinaya Dastuurka Soomaaliya oo dhawaan la filayo inay ka amba
baxaan deegaannada Maamulka Puntland.
Odayaasha ayaa kullankoodu waxa ay kaga soo horjeesteen guddi oo magacaabay
Madaxweynaha Maamulka Puntland C/raxmaan Faroole kuwaasi oo la tilmaamay inay ka
qeyb galayaan ansixinta Dastuurka Soomaaliya ee lagu qabanayo Magaalada Muqdisho
ee Caasimadda dalka Soomaaliya.
Sidoo kale Odayaasha ayaa guddigaasi ku tilmaamay mid sharci daro ah
islamarkaana waxa ay tilmaameen in Madaxweyne Faroole uusan la tashan Odayaasha
dhaqanka sida uu Warbaahinta u sheegay Nabadoon Xaashi Max’ed Faarax oo ka mid
ah Nabadoonnada gobolka Bari.
Hadalkaani kasoo baxay waxgaradka iyo Odaayaasha Magaalada Boosaaso ee gobolka
Bari ayaa waxa uu qeyb ka noqonayaa kullamo dhawaan ka dhacayay deegaannada
Maamulka Puntland kuwaasi oo looga soo horjeesanayay guddiga uu ansixinta
Dastuurka u magacaabay Madaxweynaha Maamulka Puntland.
HOME
|
