|
Xaflad si seer sare ah loo soo agaasimay oo markii ugu horeysay mideysay
somalida ku nool gobolada laysku yiraahdo New England ee dalka maraykanka ayaa
ka dhacday magaalada Boston ee Gobolka Massachusetts, xafladaasi oo aheyd mid
loogu mahad celinayay Raiisul wasaarihii Hore ee Somaliya ahna Xoghayaha Guud ee
ururka Siyaasiga ee TAYO Mohamed Abdulaahi Mohamed Farmaajo wax qabadkiisii
wanaagsanaa ee uu qabtay intuu ahaa Raiisul wasaarihii Soomaaliiya.
Raiisul wasaare Farmaajo oo mudooyinka Dambe aad ugu mashquulsan sidii uu isugu
Keeni Lahaa somalida ay colaada kala fogeysay taasina waxaa kuu cadeynaya sida
xalay reer New England ay u mideysay. Raiisul wasaare Farmaajo wuxuu reer New
England kula dardaarmay inay gacmaha is qabsadaan ayna iska ilaaliyaan wax walbo
oo dhib ka dhex abuuri kara, iyagana waxay uga mahad celiyeen sida wanaagsan ee
uu umadda Somaliyeed isugu keenayo, waxayna kula dardaarmeen in xisbiga TAYO
uusan ka leexan wadada uu ku taagan yahay oo la mid ah tii SYL.
Garaadka reer Boston Garaad Food oo shacabka ku boorinaya in la'taageero lana
garab istaago urur siyaasadeedka TAYO kuna amaanaya Raysalwasaare Farmaajo sidii
hufnayd ee uu ugu hiiliyay shacabka Soomaaliyeed isaga oo ku waayay Jagadiisii
Raysalwasaaranimo.
Xaflada oo ay si wada jir ah usoo agaasimeen reer New England oo ka kooban
gobolo badan oo ay ka mid tahay Massachusetts, Vermont, Maine, Connecticut iyo
kuwa kale ayaa waxay kusoo gabagabowday Jawi aad u wanaagsan oo ay farxadi ku
dheehan tahay.
HOME
|
