|
 Suldaan Faqi oo ka mid ah odey dhaqanmeedyada Somaaliyeed oo ka qayb galayaa
shirka ka dhacaya magaalada Muqdishu ayaa askar uu soo direy taliyaha booliska
somaliyeed Janaraal Shariif Shekhuna hanjamaad iyo aflagaado u geystey.
Suldaanka oo ka mid ah odeyda loo soo xuley inay dastuurka ka doodaan ayaa qolka
uu ka deganaa ee Scoula Polizia ugu tageen Janaraalka Booliska iyo haweeney ka
tirsan xukumada kumeel gaarka oo la yiraahdo Lul Cabdi, waxayna ugu hanjameen
hadduusan ka tegin meesha u deggan yahay inay u keeni doonaan Boolis oo xoog uga
saar. Dood dheer ka dib waxaa qolkii soo buuxiyey askartii uu watey Janaraal
Sheekhuna iyo Lul Cabdi oo xirriir fiican la leh Guddoomiyaha Baarlamaanka
Shariif Hassan, halkaa oo Suldaanka xoog looga saarey meesha u deganaa.
 Wararka la isla dhexmarayaa ayaa waxay sheegayaan in Janaraal Sh. Sheekhuna oo
isku Heeb ay yihiin Suldaanka Faqi uu wato qofka kale uu doonaayo inuu ka dhigo
Suldaanka Beesha Tunni ee Shangamaas.
Suldaan Faqi oo ah nin dhalinyaro oo ka tagey magaalada Columbus ee Ohio ayaa
qabaa feker ka duwan fekerka lagu heshiiyey in lagu soo xulo Mudanayaasha Cusub
ee Digil iyo Mirifle taaso aanan u cuntameeynin Janeraal Shekhuna oo doonaayo
inu ku biiro barlamaanka cusub.
Suldaan Faqi oo ka mid ah Salaadiinta dhalinyarta ah oo aadka u firfirccon ayaa
waxaan sugeyna arrintiisa meesha ay ku dhamaan doonto iyo cidda xoog loogu
bedeli doono. Iyadoo warar la isla dhexmaraya ay sheegayaan in Janaraal Sheriif
Shekhuna oo xirriir fiican la leh Madaxweyne Shekh Shariif iyo Shariif Xasan uu
ka soo dhameystey ciddi loogu bedeli lahaa Suldaan Faqi.
HOME
|
