Ciidamada badda Yemen oo qabtay ku dhawaad 15 burcad badeed

Somaliweyn

Ciidamada badda Yemen oo qabtay ku dhawaad 15 ruux oo Soomaali ah oo lagu tuhunsan yahay inay ka tirsan yihiin kooxaha burcad badeed Soomaaliyeed.

Ciidamada badda wadanka Yemen ayaa sheegay inay gacanta ku dhigeen ku dhawaad 15 ruux oo Soomaali ah oo la tuhunsan yahay inay ka tirsan yihiin kooxaha burcad badeed Soomaaliyeed.

Wasaaradda difaaca wadanka Yemen ayaa war ay soo saartay waxaa ay ku sheegtay in ciidamadooda illaalada xeebaha ay qabteen illaa iyo 14 ruux oo Soomaali ah kuwaasoo doonayay sida wasaaraddu sheegtay inaygaadiid badeed ka qafaashaan biyaha dalkaasi Yemen waxaana laga qabtay jaziiradda Socqodra la yiraahdo ee badda cask u taala.

Wargeyska The Yemeni Post oo ka soo baxa magaalada Sanca ayaa ku waramaya asagoo soo xiganaya saraakiil ka tirsan wasaaradda gaashaandhiga in dhalinyaradaan Soomaaliyeed oo watay doonyodheereeya kuna hubeysnaa qoryaha daran dooriga u dhaca in haatan lagu wareejiyay ciidamada booliska kuwaasoo baaritaano ku samaynaya waxa ay yihiin.

Bishii April ee inaga tagtay dawlada Yemen waxaa ay sheegtay in mid ka mid ah marakiibteeda dagaalka ay ka bad baadiyeen kooxaha burcad badeeda Soomaaliyeed kaluumaysato Yemen u dhashay oo burcad badeedu ka qafaalatay gacan biyoodkaCadan.

Sanadii 2011 maxkamad ku taala wadanka Yemen ayaa dhalinyaro Soomaaliyeed oo burcad badeednimo loo haystay ayaa ku xukuntay min 10 sano oo xarig ah.

Burcad badeeda Soomaaliyeed ayaa si xawli ah uga ugaarsada biyaha u dhaxeeya Yemen iyo Soomaaliya oo ay sanad walba maraan gaadiid badeed lagu qiyaasay 25,000.

HOME