|
Waxaa sii kordhaya qasaaraha ka dhashay Madfac habow ahaa oo xalay ku dhacay
Xaafadda Sooni-key ee degmada Hodan kaasi oo dadkii ku waxyeeloobay la
gaarsiiyay Isbitaal Banaadir ee Magaalada Muqdisho.
Kaddib markii xalay Xaafadda Sooni-key ee degmada Hodan uu ku dhacay Madfac
habow ah ayaa waxa sii kordhaya qasaaraha ka dhashay Madfacaasi, iyadoo la
sheegay in 3-ka mid ah dadkii dhaawac ahaanta loo gaarsiiyay Isbitaalka Banaadir
ay iminka ku geeriyoodeen gudaha Isbitaalkaasi taasi oo tirada guud ka dhigaysa
dhimashada 8-ruux oo rayid ah iyo dhaawaca dadka kale.
Goobjooge ku sugan goobta uu falka ka dhacay ayaa u sheegay Idaacadda Shabelle
in dadkii dhaawca ahaa ee la gaarsiiyay Isbitaalka Banaadir qaarkood ay ku
geeriyoodeen gudaha Isbitaalka halka kuwa kale ee dhaawaca ah uu tilmaamay in
laga deerinayo xaaladoodu Caafimaad.
Xalay ayaa la sheegay in Madfac habow ah uu ku dhacay Xaafadda Sooni-key ee
degmada Hodan ee gobolka Banaadir kaasi oo qasaaro isugu jiro dhimasho iyo
dhaawac u gaystay dad rayid ah oo aan waxba galabsan, taasi oo ilaa iyo iminka
aan la ogeyn cidda ka dambeysa.
HOME
|
