|
Kadib safar shaqo oo qaatay muddo usbuuc ah oo dalka Turkiga uu ku tagay wafdi
uu hogaaminyay duqa magaalada Muqdisho ahna guddoomiyaha gobolka Banaadir mudane
Maxamuud Axmed Nuur Tarsan ayaa maanta dalka dib ugu soo laabtay.
Safarka shaqo ee wafdiga duqa Muqdisho ayaa socdaal qaatay muddo usbuuc ah waxa
ay ku tageen magaalada Istanbul kadib caasumaad rasmi ah oo ay ka heleen duqa
magaaladaas.
Waxaana kulamo dhex maray wafdiga duqa magaalada Muqdisho iyo masuuliyiinta
dowladda hoose ee Istanbul kadib la isku afgartay in la mataaneeyo magaalooyinka
Muqdisho iyo Istanbuu.
Duqa magaalada Muqdisho ahna guddoomiyaha gobolka Banaadir oo saxaafadda hadalo
kooban ku siiyay gudaha garoonka diyaaradaha caalamiha ah ee Aadan Cadde wax yar
kadib markii uu soo dagtay ayaa sheegay in safarkiisa uu ahaa mid guul weyn ay
uga soo hoyatay magaalada Muqdisho kadib markii magaalada Istabul ee dalka
Turkiga ay soo codsatay in lala mataaneeyo Muqdisho.
Waxaana garoonka diyaaraha caalamiga ah ee Aadan Cadde magaalada Muqdisho kusoo
dhoweeyay guddoomiyaha gobolka iyo wafdigiisa masuuliyiin ka tirsan maamulka
gobolka, saraakiil, xildhibaano iyo qeybaha shacabka reer Muqdisho.
HOME
|
