|
Koox burcad badeed Soomaali ah ayaa shalay afduubtay markab nooca shidaalka
qaada oo wata calanka dalka Liberia.
Markabka oo lagu magacaabo MT Smyami waxaa laga qafaashay meel 450 mile u jirta
xeebaha koonfur bari ee dalka Cummaan, iyadoo burcadda ay ku weerartay qoryaha
fudud iyo doomo dheereeya, sida ay sheegtay hay’adda la socota dhaqdhaqaaqa
burcad badeedda ee IMB.
Lama sheegin cid wax ku noqotay weerarka, balse waxaa waxyeelo gaartay markabka
intii ay socotay rasaasta ay ridayeen kooxda burcad badeedda ah.
Hay’adda IMB ayaa waxay kaloo sheegtay in afduubka markabka MT Smyami uu ka
horreeyay isku day fashilmay oo burcad badeeddu ay maalintii Arbacada ku
doonayeen in ay markabka ku qabsadaan.
Illaa iyo hadda ma cadda tirada shaqaalaha saaran markabkaas iyo halka iminka
lagu hayo.
HOME
|
