|
Odayaal dhaqameed ka qeyb galaya shirka lagu lafa gurayo arrimaha Dastuurka ayaa
dalbaday in dib loo dhigo shirkaas, maadaama ay sheegeen in qaladaad badan ay
jiraan.
Iyadoo muddooyinkii dambe ay sii kordhayeen Ergada ka kala imaanaysa qeybo ka
mid ah gobolada dalka Soomaaliya iyo dalka dibaddiisa oo ka qeyb galayayay
shirka ay Odayaasha dhaqanka ku dhaqan galinayeen Dastuurka ayaa qaar ka mid ah
Odayaasha iyo Waxgaradka ka qeyb galaya shirkaasi waxa ay dhaliileen qaabka uu
ku soconayo shirkaasi.
Ugaas C/qaadir Mubaarak Saalax oo ka mid ah Ergadii ka qeyb galaysay kullankaasi
oo la hadlay Idaacadda Shabelle ayaa waxaa uu sheegay inay jiraan qiyaanno,
wuxuuna sheegay in Madasha uu ka soconayo shirka ay shir gudoon ka yihiin dad
aan matali Karin shirka oo uu tusaale usoo qaatay Ra’iisul wasaare Gaas iyo
Wasiirka arrimaha gudaha, isagoo xusay Ugaaska in Ergo lagu casuumay shirka lagu
amray inay ka baxaan shirkaasi islamarkaana lasoo xareeyay kuwa aan horey u
diiwaan gashneyn sida uu hadalka u dhigay.
Sidoo kale Ugaas C/qaadir ayaa waxa uu ku baaqay in dib loo dhigo shirka lagu
ansixinayo Dastuurka inta laga saxayo qaladaadka jira.
Tan iyo xilligii uu furmay shirka Odayaasha dhaqanka ee la sheegay inay
ansixinayaan Dastuurka ayaa qeybaha kala duwan ee bulshada sida Siyaasiyiinta,
waxagaradka iyo aqoonyahannada Soomaaliyeed waxa ay dhaliilayeen qaabka uu ku
soconayo shirka oo ay ku tilmaameen in uu yahay mid looga soo horjeedo Diinta
iyo qarannimada Soomaaliyeed.
HOME
|
