|
Muhaajiriinta Soomaalida ah ee ku nool magaalooyinka dalka Libya ayaa ka
cabanayo ammaan darri iyo nolol xumo aad u baahsan oo soo wajahday, kadib markii
ay billowdeen howlgallo lagu qabqabanayo dadka shisheeyaha ah eek u sugan dalkaa
Libya.
Qaar ka tirsan muhaajiriintaasi Soomaalida ah oo la xiriirtay warbaahinta
qaranka ayaa shaaciyay in cabsi aad u xoogan ay ka qabaan dikreetada cusub ee ka
soo baxday maamulka KMG ah ee ka dhisan dalka Libya ee lagu ugaarsanaayo dadka
shisheeyaha ah ee ku nool magaalooyinka dalka Libya, iyagoo intaasi raaciyay in
dhibaatooyin ay la kulmaan xilliyada ay ku safrayaan waddooyinka isku xira
magaalada Tripoli iyo gobollada kale.
Dalka Liibiya ayaa lagu wadaa inay dhowaan ka dhacdo doorasho xor ah, kaddib
markii la riday dowladdii hore ee uu hoggaaminayay madaxweynihii la dilay ee
Mucammar Al-Qadaafi, waxaana laga hor tagayaa inay doorashadaas ka qeyb galaan
dadka shisheeyaha ah.
HOME
|
