|
Miinada cusub waxaa lagu dhejin karaa baabuurta si ay u waxyeelleyso dadka
gaariga saaran/RadioMuqdisho
Hay’adda nabad sugidda qaranka waxay maanta magaalada Muqdisho ku soo bandhigtay
nin la sheegay in lagu qabtay miino casri ah oo la sheegay in ay sameysay al-Shabaab.
Miinada casriga ah ayaa loogu tala galay in lagu xiro gaadiidka yar yar, taasoo
dili karta dadka saaran gaariga lagu xiro.
Ciidamada milateriga Soomaaliya ayaa shalay galinkii dambe isgoyska Ex-Control
Afgooye ku soo qabtay Cabdiraxmaan Faarax Maxamed oo ah ninka lagu qabtay
miinada isagoo rabay in uu ku xiro gaari uu leeyahay guddoomiyaha degmada
Hiliwaa.
Eedeysanaha oo la hadlay warfidiyeennada ayaa sheegay in uu ka yimid gobolka
Shabeellaha Hoose, wuxuuna qiray in uu bar-tilmaameedsan rabay guddoomiyaha
degmada Hiliwaa.
Agaasimaha hay’adda nabad sugidda DKMG ah, Axmed Macallin Fiqi ayaa sheegay in
uu ku faraxsan yahay in la fashiliyay miinadan cusub iyadoo aan lagu waxyeelleyn
shacabka iyo mas’uuliyiinta Soomaaliyeed.
Fiqi ayaa ugu baaqay dadka wata gaadiidka yar yar in ay ka feejignaadaan in
baabuurtooda lagu xiro miinadan xilliyada ay yaallaan goobaha baakinka ah.
HOME
|
