|
Madaxweynaha Jamhuuriyadda Soomaaliya iyo wefdi uu hoggaaminayo ayaa xalay ka
ambabaxay magaalada Nairobi ee dalka Kenya, iyadoo wefdiga madaxweynaha ku sii
jeedo dalka Mareykanka, halkaasi oo ay uga qeyb galaan shir ay golaha ammaanka
ee Qaramada Midoobay ka yeellanayaan arrimaha Soomaaliya.
Wefdiga uu hoggaaminayo madaxweynaha Jamhuuriyadda Soomaaliya Sheekh Shariif
Sheekh Axmed ee ku sii jeeda dalka Mareykanka, ayaa magaalada Kampala ee dalka
Uganda ku sugnaa muddo 48 saacaddood ah, waxaana madaxweynaha Jamhuuriyadda
Soomaaliya uu kulan la qaatay dhiggiisa dalkaasi, kaasi oo ay uga wada hadleen
xiriirka Labada dowladdood, Iskaashiga dhinaca ciidammada iyo arrimo kale.
Sidoo kale wefdiga madaxweynaha ayaa intii ay ku sugnaayeen dalka Uganda waxa ay
booqdeen xero ay ku jiraan ciidammo ka tirsan Xoogga dalka Soomaaliyeed oo
halkaasi Tababar casri ah ku qaatay, Sidoo kale waxa ay kulan la qaateen
Jaaliyadda Soomaaliyeed ee dalkaasi ku nool
Madaxweyne Shariif iyo wefdigiisa ayaa waxaa garoonka diyaaradaha magaalada
Nairobi ku sii sagootiyay masuuliyiin ka tirsan safaaradda Soomaaliya ee dalka
kenya, waxaana la filayaa in madaxweyana iyo wefdigiisa ay saacaddaha soo socda
ka qeyb galaan shir ay golaha ammaanka ee Qaramada Midoobay uga hadlayaan
arrimaha Soomaaliya.
HOME
|
