Fax: 04 382 8607, Email: somalibanadir@hotmail.com

Date: 21/10/2000

Waxaan jecelnahay inaan usoo jeedino dhammaan dadka reer Banaadir salaan caddada Qur’aanka Kariimka.Waxaan u mahad celineynaa Rabbiga awooda sare leh ee nagu maneeystay anshaxa iyo asluubta wanaagsan iyo ilbaxnimada faca weyn oo noo horseeday inaana marna ka qeyb qaadanin falalkii ka dhacay dalkeeni Hooyo.

Sidoo kale waxaa marag ma doonto ah doorarkii lexaadka lahaa ay kasoo qaateen dadka reer Banaadir dhacdooyinkii taariikhiga ahaa ee dalka Somalia,iyo waxyaabihii cajaa’ibka ahaa oo ay ka qoreen dalmareenadii soo booqday xeebaha Banaadir oo laga heli karo matxafyada adduunka oo idil.

Sidaas darteeda, waxaan usoo jeedineynaa guud ahaan dadka reer Banaadir meelkasta ay joogaan arrimaha hoos ku qraon:

1. Iyadoo laga faai’deysanaayo waayaha socodka taariikhda adduunka, iyo isbeddelada siyaasadeed ee ka socda wadammada soo koraayo awgeed.Waxaan usoo jeedineynaa walaalaheena reer Banaadir meelkasta ha joogaan IN LA ABAABULO SHIRWEYN HEER QARAN EE DADKA REER BANAADIR OO DHAN, oo meel marintiisuna aan kala kaashano walaalaheeni Carbeed iyo Hay’adaha samafalka adduunka ee gacan ka geysta arrimaha noocaani oo kale.

2. In laga abaabulo deggaan kasta guddi ka mas’uul ah arrimaha dadka reer Banaadir oo ka kooban dhammaan xubnaha bulshadda ee degaankaasi ku wada nool.sidoo kale inay isla yeeshaan xiriir iyo iska warqab joogto ah siiba dadka ku wada nool degaanada isku dhow ama deriska ah.

3. In laga helo deggaan kasta dad iskooda isu xilqaama (Volunteers) oo ka kooban Culumaau’ddiinka, aqoonyanaha & indheergartada oo howshoodu noqon doonto:

b. Ku baraarujinta dhallaanka soo koraaya ee reer Banaadir barashadda Diinta Islaamka,hiddaha & dhaqanka iyo ku dhiirigelinta dhallinyada waxbarashadda casriga ah.

t. Xallinta khilaafaadka bulshada Banaadir dhexdooda iyo dib u heshiisnta reeraha wax kala tabanaayo.

4. In la sameeyo keyd ama sanuuq samafal oo lagu fuliyo arrimaha u gaarka ah dadka reer Banaadir. Meelahii ay ka jiraan arrimaha kor ku xusan waxaan leenahay hala geliyo dardar horleh oo cusub, meelihii ay weli ka taaba gelin sida ugu dhaqsi badan haloogu dhaqan geliyo taasoo dan u ah dadkeena reer Banaadir.

5. Arrimaha kor ku xusan oo aan usoo jeedineyno dadkeena reer Baanadir meelkasta ha joogaan,waa uun fikrad aan isleenahay sida wax noogu hagaaji karo, iyadoo la ogyahay inay gacmo wadajir ay wax ku qabtaan,ilkanaa ay wadajir ay wax ku gooyaan reer Banaadir waxay yiraahdaan:-wax kas wax looma sheego, weel boqsan wax ma lagu shubto,wax laawe wax looma dhiibto.

Inshaa’ Allah kheyr iyo barwaaqo ayaan higsan doonaa.

MIDNIMADA REER BANAADIR HA WAARTO